2014-ᒥᓂᑦ, ᓄᕐᕃᑦ ᑲᒪᒍᓯᐅᔪᓂᒃ ᐊᑐᐃᓐᓇᐅᑎᑦᓯᓯᒪᓕᕐᑐᑦ ᓄᓇᕕᐅᑉ ᐅᕕᒐᕐᑐᖏᓐᓄᑦ. ᐱᓇᓱᐊᕐᕕᕗᑦ ᐊᑐᐃᓐᓇᕈᐃᒪᔪᖅ ᐱᖓᓱᓂᒃ ᐊᑦᔨᒌᖕᖏᑐᓂᒃ ᓄᓇᒥᑦᑎᓯᓂᕐᒨᓕᖓᔪᓂᒃ.
ᑭᓇᒃᑰᕕᑖ?
ᑎᓕᔭᐅᒪᐅᑎᕗᑦ
ᑫᓪᓗᑐᐃᓂᖅ ᐃᒻᒥᓂᒃ ᐃᓅᖃᑎᖃᕐᓂᒧᓪᓗ ᐱᕙᓪᓕᐊᓯᐊᕈᑎᑦᓴᓂᒃ ᓄᓇᕕᐅᑉ ᐅᕕᒐᕐᑐᖏᓐᓂ ᓯᓚᒦᑦᑎᓯᓂᒃᑯᑦ.
ᐱᒻᒪᕆᖁᑎᕗᑦ!
ᐱᒻᒪᕆᖁᑎᕗᑦ ᓴᕐᕿᔭᕐᑎᓯᒍᑎᐅᔪᑦ ᐊᔪᐃᓐᓇᐅᔨᓂᑦᑎᓂᒃ ᓄᓇᕕᐅᑉ ᐅᕕᒐᕐᑐᖏᓐᓂᒃ ᑐᑭᒧᐊᒍᑎᒋᑦᓱᒋᓪᓗ ᐱᓇᓱᐊᕐᑕᑎᒍᑦ. ᑖᒃᑯᐊ ᑐᖕᖓᕕᓪᓚᕆᐅᔪᑦ ᑲᔪᓯᑎᑦᓯᒍᑎᐅᔪᑦ ᐱᓇᓱᐊᕐᐸᑕᑦᑎᓂᒃ ᓱᓕᑎᑦᓯᓱᑎᓪᓗ ᐅᑉᐱᕆᔭᖃᕐᓂᑎᓐᓂᒃ ᐊᑐᓂ ᐃᓗᓐᓇᑎᒃ ᐅᕕᒐᕐᑐᐃᑦ ᐱᒍᓐᓇᓂᖃᕙᕐᔪᐊᕆᐊᖏᓐᓂᒃ ᖃᐅᔨᓇᓱᐊᕈᓐᓇᓂᕐᒥᒃ ᐱᕙᓪᓕᐊᕈᓐᓇᓂᕐᒥᓗ.
ᐊᔪᐃᓐᓇᓂᖅ
ᐊᑕᐅᓯᐅᓕᖓᓂᖅ
ᐱᒍᓐᓇᓯᑎᑦᓯᓂᖅ
ᐃᑦᔭᕋᑦᓴᐅᓂᒃᑯᑦ
ᐱᕈᕐᓭᓂᖅ ᓄᓇᕕᐅᑉ
ᐅᕕᒐᕐᑐᖏᓐᓂᒃ
ᓯᕗᓂᕐᒧᑦ ᑕᑯᓐᓇᑕᕗᑦ
ᐅᑉᐱᕆᔭᖃᕐᐳᒍᑦ ᐱᑐᑦᓯᒪᓂᒃᑯᑦ ᓄᓇᒧᑦ, ᐃᒻᒥᓄᑦ ᐊᓯᒥᓄᓪᓗ, ᓄᓇᕕᐅᑉ ᐅᕕᒐᕐᑐᖏᑦ ᐱᒍᓐᓇᓯᓂᕐᓴᐅᓚᖓᔪᑦ ᐱᕈᑦᓯᐊᕈᓐᓇᓯᓗᑎᒃ.
ᐱᓇᓱᐊᖃᑎᒌᑦᑎᕗᑦ
ᑲᑎᒪᔨᕗᑦ
Valérie Raymond
ᔮᓱᐊ ᓂᑕᓐ ᑭᐊᑦᓗ
Julien Kominik
Pierre-Luc Vaudreuil
Joanassie Oweetaluktuk
ᔪᑎ ᓇᓗᐃᔪᖅ
Karine Prévost
ᑐᑭᒧᐊᑦᑎᓯᓂᕐᒧᑦ ᐱᓇᓱᐊᖃᑎᒌᑦᑐᑦ
ᑐᑭᒧᐊᑦᓯᓂᕐᒧᑦ ᐱᓇᓱᐊᖃᑎᒌᑦᑐᑦ ᐊᕐᕌᒍᓕᒫᖅ ᐱᓇᓱᐊᖏᓐᓇᓕᒫᕐᑐᑦ ᓄᓇᓖᑦ ᐃᓚᐅᔪᓕᒫᑦ ᐊᑐᐃᓐᓇᖃᖁᑦᓱᒋᑦ ᐱᓇᓱᐊᕈᑕᐅᔪᓂᒃ ᐃᑲᔪᕐᓯᒪᔭᐅᖁᑦᓱᒋᓪᓗ ᑲᔪᓯᑎᑦᓯᑎᓪᓗᒋᑦ ᐱᓇᓱᐊᕆᐊᓕᓐᓂᒃ. ᐅᑯᐊ ᐃᑲᔪᕐᓯᒪᓂᖃᒻᒪᕆᑉᐸᑐᑦ ᐊᔪᐃᓐᓇᓂᕐᒥᒍᑦ ᖃᐅᔨᒪᒍᓯᕐᒥᒍᓪᓗ :
Kim Champagne
Éloïse Roy-Gamache
Jeremie Bélair
Paule Saint-Pierre
Julien Roy-Plourde
Emily Mina
Cynthia Lavoie Ayotte
Gabrielle Roberge
Maude Tétreault
Sammie Airo
Mariam Ulluriaq Imak
ᐱᓇᓱᐊᖃᑎᒌᑦᑐᓂᒃ ᓯᕗᓕᕐᑏᑦ ᓄᓇᓕᒻᒥᓗ ᓄᓇᒦᑦᑎᓯᔩᑦ
ᓄᕐᕃᑦ ᐱᓇᓱᐊᕐᑕᖏᑦ ᓄᐃᑕᓚᕿᔪᑦ ᑲᔪᓯᑦᓯᐊᓚᕿᑦᓱᑎᓪᓗ ᐊᔪᐃᓐᓇᓂᕆᔭᖓᓄᑦ ᐅᑉᐱᕆᔭᖃᒻᒪᕆᑦᓱᑎᒃ ᐱᓇᓱᐊᖃᑎᒌᑦᑐᓂᒃ ᓯᕗᓕᕐᑎᐅᔪᑦ ᓄᓇᓕᒻᒥᓗ ᓄᓇᒦᑦᑎᓯᔩᑦ. ᐃᓕᓐᓂᐊᑎᑦᓯᔩᑦ, ᐊᖑᓇᓱᑦᑏᑦ, ᐃᖃᓪᓕᐊᑏᑦ ᐃᓱᐊᕐᓭᔩᓪᓗ : ᐊᒥᓱᒻᒪᕆᐊᓗᐃᑦ 14-ᓂ ᓄᓇᓕᓐᓂ ᑐᓂᓯᒪᕙᑦᑐᑦ ᕿᑦᑌᖓᓂᖃᑦᓯᐊᓱᑎᒃ ᐅᕕᒐᕐᑐᓂᒃ ᐊᑦᑕᓇᖕᖏᑐᒦᖁᔨᒧᑦ, ᐱᕙᓪᓕᓯᐊᖁᔨᒧᓪᓗ ᓱᖃᑦᓯᓂᒃᑯᑦ. ᐱᓇᓱᐊᕐᕕᑕ ᓯᓚᑖᓂ, ᐃᓚᐅᕕᖃᒻᒪᕆᑦᑐᑦ ᓄᓇᕕᐅᑉ ᐅᕕᒐᕐᑐᖏᑦᑕ ᐱᕙᓪᓕᐊᕆᐊᖃᕐᓂᖓᓂᒃ ᐃᑦᔭᕋᑦᓴᓯᐊᖑᑦᓱᑎᓪᓗ ᑖᒃᑯᐊ ᓯᕗᓂᑦᓴᖓᓄᑦ.
ᐅᒻᒪᑎᑦᑎᓂᑦ ᐱᔪᒥᒃ ᓇᑯᕐᒦᒪᕆᑦᑕᕗᑦ!
ᓇᑯᕐᒦᓂᖃᕐᒥᔪᒍᑦ ᑐᓂᒪᑦᓱᑎᒃ ᐃᑲᔪᕐᑎᐅᕙᑦᑐᓂᒃ ᓄᓇᓕᓕᒫᓂ ᓴᐱᕆᔭᖃᕐᐸᖏᑦᑐᓂᒃ ᓂᕿᓕᐅᕆᐊᖃᓕᕋᒥᒃ ᓄᓇᒦᑦᑐᓄᑦ ᑕᖁᐊᑦᓴᐅᓂᐊᕐᑐᓂᒃ, ᐊᑐᐃᓐᓇᕈᕐᑎᕆᑦᓱᑎᒃ ᓄᓇᓕᒻᒥᑦ ᐊᐅᓪᓚᑎᕐᓂᐅᓂᐊᕐᑐᓂᒃ ᓄᓇᓕᒻᒧᑦ ᑎᑭᓐᓂᐅᓂᐊᕐᑐᓂᒃ, ᐱᐅᒃᑯᑏᓪᓗ ᐊᑐᕈᓐᓇᓯᐊᕋᓗᐊᕐᒪᖔᑕ ᑕᑯᒋᐊᕐᑎᐅᓱᑎᒃ, ᐊᓯᓕᒫᖏᓐᓂᓗ ᐱᓇᓱᐊᕐᑕᐅᒋᐊᓕᓐᓂᒃ ᑲᒪᒋᔭᖃᕐᓱᑎᒃ.
ᖃᐅᔨᒋᐊᕈᓐᓇᑐᓯ ᐅᓂᒃᑲᐅᓯᑦᑎᓂᒃ ᐱᒋᐊᕐᓂᖓᓂᑦ
ᓯᑕᒪᑦ ᖃᓄᐃᑦᑐᑐᐃᓐᓇᓂᒃ ᐅᐸᒐᖃᕋᓱᐊᕐᑏᑦ ᓄᓇᒃᑯᑦ ᓯᐊᕐᕆᔭᐅᑎᑯᑖᒃᑯᑦ ᐃᖏᕐᕋᓂᖓᑦ ᒪᓐᑐᕆᐊᒥᑦ ᑯᑦᔪᐊᒧᑦ, ᖃᐅᔨᒪᔭᐅᒍᑎᓕᒃ Project Karibu, ᐃᑦᔭᕋᑦᓴᖑᕐᓯᒪᔪᖅ ᑐᓱᒋᓕᕐᑕᐅᓱᓂ ᔮᓂᒻᒪᕆᒻᒥ ᐃᓕᓐᓂᐊᑎᓄᑦ ᑯᑦᔪᐊᒥ, ᓄᓇᒦᓐᓂᓴᐅᖃᑦᑕᕈᒪᓂᕐᑖᓱᑎᒃ ᓄᓇᕕᒻᒥ ᑎᒥᒥᒍᓪᓗ ᐊᐅᓚᒍᓯᕐᒥᓂᒃ ᐊᔪᐃᓐᓇᕈᑎᖃᕈᒪᑦᓱᑎᒃ.
Project Karibu ᖃᐅᔨᔭᐅᓂᖓ ᕿᑦᑌᖓᔮᕈᑎᐅᓕᕐᒪᑦ, ᐊᕐᕋᒍᑕᒫᑦ ᓯᕗᓕᕐᑎᐅᒋᐅᕐᓴᓂᕐᒥᒃ ᓄᐃᑕᐅᔪᖃᓕᓚᐅᕐᓯᒪᔪᖅ ᓯᕗᓂᖃᕋᓱᐊᕈᑕᐅᓯᑦᓱᓂ ᐅᕕᒐᕐᑐᓄᑦ ᐃᓚᐅᒍᓐᓇᑎᓯᑦᓱᒋᑦ ᓯᐊᕐᕆᔭᐅᑎᑯᑖᒃᑯᑦ ᓄᓇᒦᒍᓐᓇᓂᕐᒧᑦ. ᐊᕐᕋᒎᑉ ᐃᓗᐊᓂ, 15 ᐅᕕᒐᕐᑐᐃᑦ ᐃᓚᐅᓯᓚᐅᕐᓯᒪᔪᑦ ᑕᒪᑦᓱᒧᖓ, 7 ᓄᓇᒦᑦᑎᓯᓂᕐᒧᑦ ᐃᓚᐅᑎᓪᓗᒋᑦ.
ᑲᔪᓯᑦᓯᐊᓂᑯᖓᓄᑦ ᐱᒋᐊᕐᑎᑕᐅᓂᕕᓂᖓᑕ ᓄᐃᑕᐅᔪᖃᓯᓚᐅᕐᓯᒪᔪᖅ ᑐᓂᕐᕈᑎᐅᔪᑎᒍᑦ ᐊᐅᓚᒍᓐᓇᑐᒥᒃ ᑎᒥᐅᔪᒥᒃ ᐊᑦᓯᓱᒍ ᓄᕐᕃ|Jeunes Karibus-ᒥᒃ. ᓯᑕᒪᑦ ᓄᓇᓖᑦ ᐱᓇᓱᐊᕆᐊᓯᓚᐅᕐᓯᒪᔪᑦ ᑲᔪᓯᑎᑦᓯᓚᖓᓂᕐᒥᒃ ᑕᒪᑐᒥᖓ ᐊᑐᐃᓐᓇᐅᑎᓕᕐᓱᒍ ᐊᒥᓲᓂᕐᓴᓄᑦ ᐅᕕᒐᕐᑐᓄᑦ. 50 ᐅᕕᒐᕐᑐᐃᑦ ᐃᓚᐅᓯᓚᐅᕐᓯᒪᔪᑦ ᑕᒪᑐᒧᖓ, 30 ᓄᓇᒦᑦᑎᓯᓂᕐᒧᑦ ᐃᓚᐅᑎᓪᓗᒋᑦ.
ᐊᔪᐃᓐᓇᕆᐊᓪᓛᕈᑏᑦ ᐱᒍᓐᓇᓯᒍᑎᐅᓯᒪᔪᑦ ᓄᕃᑯᓐᓄᑦ ᐊᑐᐃᓐᓇᐅᒍᓐᓇᓯᑎᑦᓱᒋᑦ 14-ᓂ ᓄᓇᕕᐅᑉ ᓄᓇᓕᓕᒫᖏᓐᓂ. 2020-ᒥ, 12 ᓄᓇᓖᑦ ᐊᕐᕋᒍᑕᒫᑦ ᐃᓚᐅᓯᓚᐅᕐᓯᒪᔪᑦ , 246 ᐃᓕᓐᓂᐊᑏᑦ 7-ᓗ ᐱᒋᐅᕐᓴᑕᐅᑦᓱᑎᒃ ᐃᓚᐅᑎᑕᐅᔪᑦ ᑐᑦᑐᐃᑯᑎᒍᑦ.
ᐊᔪᐃᓐᓇᓂᖓᑦ ᐊᓯᑦᔨᒋᐊᖃᕐᑐᑯᓪᓗ ᐱᒍᓐᓇᑑᓂᖓᑦ ᓄᕐᕃᑯᑦ ᖃᓂᒪᓐᓇᖃᕐᑎᓗᒍ ᑲᔪᓯᒍᓐᓇᕈᑎᐅᓯᒪᔪᖅ ᑖᒃᑯᐊ ᐱᓇᓱᐊᕐᑕᐅᓂᖓᓄᑦ ᓄᓇᓕᓕᒫᑦᓯᐊᓂ. 14 ᓄᓇᓖᑦ ᓄᕐᕃᑯᑦ ᐱᓇᓱᐊᕐᑕᖓᓂ ᑲᔪᓯᒍᓐᓇᓯᒪᔪᑦ, 7 ᐱᓇᓱᐊᕐᑎᑕᐅᑦᓱᑎᒃ ᐱᒋᐅᕐᓴᑌᑦ ᐃᓚᐅᑎᓪᓗᒋᑦ ᑐᑦᑐᐃᑯᑦ ᓱᖃᑦᓯᑎᑦᓯᒍᑎᖏᓐᓂ, ᒪᕐᕉᓂᓗ ᖃᔭᕐᑐᓂᐅᔫᓐᓂ, ᐃᓚᒋᔭᐅᑎᓪᓗᒍ ᑭᑦᓴᓂᐅᒍᓐᓇᑐᓂᒃ ᑲᑎᒪᓂᐊᕈᓰᑦ, ᑕᒪᒃᑯᐊ ᐱᔭᕆᕐᑕᐅᒍᓐᓇᓯᓯᒪᔪᑦ ᓯᕗᓪᓕᐹᒥ ᐊᕐᕌᒍᒥ ᓄᐃᑕᐅᔪᕕᓂᐅᓕᕐᑎᓗᒍ ᐃᑳᕐᑐᐃᑦ ᐱᓇᓱᐊᕐᑕᐅᓂᖓ.
ᑌᒪᖕᖓᓂᑦ, ᓄᕐᕃᑦ, ᐃᑳᕐᑐᐃᑦ ᑐᑦᑐᐃᓗ ᐊᑐᐃᓐᓇᐅᑎᑕᐅᕙᓕᕐᑐᑦ ᓄᓇᓕᓕᒫᖏᓐᓂ ᓄᓇᕕᐅᑉ : ᖃᐅᑕᒫᑦ ᓱᖃᑦᓯᑎᑦᓯᓃᑦ, ᐱᓇᓱᐊᕐᓂᑯᑦ ᐱᒋᐅᕐᓴᑕᐅᓃᑦ, ᐅᐱᕐᖔᒥ ᐅᑭᐅᒥᓗ ᓄᓇᒦᑦᑎᓯᓃᑦ ᐃᓚᐅᑎᑦᓯᒍᑎᐅᑦᓱᑎᒃ ᐱᒍᓐᓇᓯᕙᓪᓕᐊᑎᑦᓯᒍᑎᐅᑦᓱᑎᓪᓗ ᐅᕕᒐᕐᑐᓂᒃ. ᓇᒻᒥᓂᕐᓱᕈᓐᓇᓂᕐᒥᒃ ᐊᔪᐃᓐᓇᐅᑎᖃᕐᓂᖓ ᓱᖑᓯᓴᕐᑕᐅᔪᖅ ᐱᑐᑦᓯᒪᓂᒃᑯᑦ ᓄᓇᒧᑦ, ᐱᕐᖁᓯᑐᖃᓕᕆᓂᐅᔪᓄᑦ ᐃᓅᖃᑎᒌᒍᓐᓇᓂᒃᑯᓗ ᖃᓂᑕᕇᓐᓂᑯᑦ ᐱᕙᓪᓕᐊᔭᐅᔪᓄᑦ ᓄᕐᕃᑎᒍᑦ.
ᑐᓴᕋᑦᓭᑦ ᐊᓪᓚᓯᒪᔪᐃᓪ ᐱᐅᓕᐊᕐᑕᐅᔪᑦ
ᖁᓕᓂᒃ ᐊᕐᕌᒍᕐᑐᓕᕐᓂᖅ