ᐃᑳᕐᑐᐃᑦ
ᐃᓅᓯᓕᕆᒍᓰᑦ
ᐱᕙᓪᓕᐊᖁᓪᓗᒋᑦ
ᐃᓅᓱᑦᑐᐃᑦ ᐅᑭᐅᓖᑦ 14-ᓂᑦ 30-ᓄᑦ ᐃᓅᓯᕐᒥᒍᑦ ᐊᑦᑕᓇᕐᑐᒦᒍᑎᖃᕐᓂᐊᖑᕐᑐᑦ
ᐃᑳᕐᑐᑦ ᐱᓇᓱᐊᕐᑕᐅᓂᖓ ᓄᐃᑕᐅᓯᒪᔪᖅ ᐃᕐᐸᓂᕐᓴᐅᖁᔨᒧᑦ ᐱᑦᔪᔨᒐᔭᕐᑕᑎᓐᓂᒃ, ᐊᒥᓲᐃᓕᕿᖓᓂᕐᓴᓂᒃ ᓱᖃᑦᓯᑎᑦᓯᒍᑎᑕᖃᕐᓱᓂ ᐊᖏᓕᐅᒥᑎᑦᓯᒍᑎᐅᑦᓱᓂᓗ ᐱᒍᑦᔨᐅᑎᑦᑎᓂᒃ ᐊᕐᕌᒍᑉ ᐃᓗᐊᓂ. ᐱᓇᓱᐊᕐᓂᕗᑦ ᓯᕗᓂᖃᕐᑐᖅ ᐱᕙᓪᓕᐊᑎᑦᓯᒐᓱᐊᕐᓂᒥᒃ ᓇᒻᒥᓂᖅ ᐃᑉᐱᒋᔭᖃᕈᓐᓇᑎᑦᓯᓂᕐᒥᒃ ᐃᓚᐅᕙᑦᑐᓂᒃ, ᓇᓗᓀᕐᓯᒐᓱᐊᕐᓂᑕᖃᓪᓚᕆᑦᓱᓂ ᐃᓅᑉ ᓲᖑᓂᕆᒍᓐᓇᑕᖏᓐᓂᒃ, ᐅᖁᒣᑦᑐᑰᓂᐅᔪᓂᓪᓗ ᓵᖕᖓᓯᒍᑎᐅᒍᓐᓇᑐᓂᒃ ᓯᕗᓂᕐᒥᓗ ᑎᑭᐅᑎᔭᐅᒍᒪᔪᓂᒃ.
ᐃᑳᕐᑐᐃᑦ ᒪᕐᕉᓂᒃ ᐱᓇᓱᐊᕐᓂᖃᓲᑦ ᐅᐱᕐᖔᒥ :
- ᕿᔪᓕᕆᓂᕐᒥᒃ ᐃᓕᓐᓂᐊᑎᑦᓯᓂᖅ 30-ᓂᒃ ᐅᓪᓗᓂᒃ, ᐃᓪᓗᐊᐱᓕᐅᕈᓐᓇᓯᑎᑦᓱᒋᑦ.
- 10-ᓂᒃ ᐅᓪᓗᓂᒃ ᖃᔭᕐᑐᓂᖅ ᓄᓇᒥᑦᑎᓯᓂᐅᑦᓱᓂ ᐃᓕᑦᓯᒍᑎᐅᓪᓚᕆᑦᓱᓂ ᑐᑭᓕᑦᓯᐊᓂᒃ.
ᑖᑦᓱᒧᖓ ᐃᓚᐅᔪᑦ ᐱᓇᓱᐊᕐᑎᑕᐅᕙᒻᒥᔪᑦ ᐃᓕᓐᓂᐊᓂᕐᒥᒃ ᐅᓪᓗᓂ 10-ᓂᑦ 30-ᓄᑦ ᑕᑭᓂᓕᒻᒥᒃ :
- ᓯᕗᓕᕆᐅᕐᓴᓂᖅ ᐱᓇᓱᐊᖃᑎᖃᕆᐅᕐᓴᓂᕐᓗ ᐊᓯᒥᓂᒃ.
- ᓯᓚᒥᒃ ᑎᒥᕐᓱᓂᕐᒧᑦ ᐱᒋᐊᕐᑎᑕᐅᓂᖅ.
- ᒪᙯᓐᓂᖅ ᐱᕐᖁᓯᑐᖃᕐᓂᒃ ᐱᓇᓱᐊᕐᓂᑕᖃᕐᓱᓂ.
- ᐱᓇᓱᐊᕈᓯᓕᒫᖅ ᓄᓇᒦᑦᑎᓯᓂᖅ ᓄᓇᕕᒻᒥ ᐃᓪᓗᐊᐱᓕᐅᕐᓂᓘᓐᓃᑦ.
- ᖁᕕᐊᓱᖃᑎᖃᕐᓂᖅ ᐃᓚᒥᓂᒃ ᐱᖃᑎᒥᓂᓪᓗ.
- ᐊᑐᓂ ᑕᒪᑦᓱᒧᖓ ᐃᓚᐅᔪᕕᓃᑦ ᖃᓄᐃᓕᖓᓕᕐᒪᖔᑕ ᖃᐅᔨᒪᒐᓱᐊᕐᑕᐅᓂᖓ.
ᖃᐅᔨᒐᓱᐊᕐᕕᖃᕈᓐᓇᓯᐊᕐᑐᓯ ᐅᕙᑦᑎᓂᒃ ᑐᑭᓯᒋᐊᓪᓚᕈᒪᒍᑦᓯ ᐱᓇᓱᐊᕐᑕᑎᓐᓂᒃ!
ᐃᑳᕐᑐᐃᑦ, ᓀᑦᑑᓱᓂ ᐃᑉᐱᓂᐊᕐᓇᑐᒻᒪᕆᒃ ᐊᐅᓚᔫᓕᐊᖑᒪᔪᖅ
2022 ᐅᐱᕐᖔᖓᓂ, ᓄᕐᕃᑦ ᐱᔪᕆᐅᑎᖃᒻᒪᕆᓚᐅᔪᕗᑦ ᐱᓇᓱᐊᖃᑎᐅᒋᐊᖅ ᐊᐅᔫᓕᐅᕐᑎᒧᑦ, ᐊᑦᔨᓕᐅᕆᔨᒧᑦ ᓄᓇᒥᓐᓂᒥᓗ ᐱᓇᓱᐊᒐᖃᕐᑐᒧᑦ Annie-Claude Roberge-ᒧᑦ ᓄᐃᑎᕆᖃᑎᐅᑦᓱᑎᒃ ᓀᑦᑐᒥᒃ ᐊᐅᓚᔫᒥᒃ ᐃᑳᕐᑐᓂᒃ ᑕᑯᑎᓴᐅᑎᑦᓯᔪᒥᒃ.
ᑖᓐᓇ 22 ᒥᓂᑦᓯᓂᒃ ᑕᑭᓂᓕᒃ ᑕᑯᑦᓴᐅᑎᑦᓯᔪᖅ 8-ᓂᒃ ᐃᓅᓱᑦᑐᓂᒃ ᑯᑦᔪᐊᒥᐅᓂᒃ, ᑲᖏᕐᓱᐊᓗᑦᔪᐊᒥᐅᓂᒃ ᑲᖏᕐᓱᒥᐅᓂᓪᓗ ᒪᕐᕉᓂᒃ ᐱᓇᓱᐊᕈᓰᓐᓂᒃ ᖃᔭᕐᑐᓂᖃᕐᑎᓗᒋᑦ ᑯᑦᔪᐊᑉ ᑰᖓᓂ. ᐃᓄᑐᐃᓐᓀ ᐃᓅᓱᑦᑐᑦ ᖃᔭᕐᑐᓚᖓᔪᑦ ᓄᓇᒥᓂᒃ ᓄᓇᕕᒻᒥᒃ ᑕᑯᔭᕆᐅᕆᐊᕐᑐᓗᑎᒃ, ᑭᓇᐅᓂᕐᒥᓂᒃ ᑐᑭᓯᒍᑎᒋᓗᒍ, ᓱᓇᒥᓪᓗ ᐊᔪᐃᓐᓇᐅᑎᖃᕐᓂᒥᓂᒃ ᓇᓗᓀᕐᑕᐅᒍᓯᒋᓂᐊᕐᑕᖏᓐᓂᒃ ᐃᓅᓂᖓᑕ. ᖃᔭᕐᑐᓂᒃᑯᑦ, ᐱᕐᖁᓯᑐᖃᐅᒻᒪᑦ, ᓄᓇᒦᓪᓚᕆᑦᑐᑦ ᐊᒥᓱᓂ ᐅᓪᓗᓂ, ᐃᓕᑦᓯᓚᖓᑦᓱᑎᒃ ᐱᔭᕐᓃᓗᕈᑎᒋᕙᑦᑕᒥᓂᒃ ᐊᓂᒍᐃᒍᓐᓇᓂᕐᒥᒃ, ᓲᖑᔪᒍᑎᒋᒍᓐᓇᑕᒥᓂᒃ ᖃᐅᔨᓗᑎᒃ – ᐱᒻᒪᕆᐅᓂᕐᐹᕆᔭᐅᑎᓪᓗᒍ – ᐱᑐᑦᓯᒪᒍᓐᓇᓯᑦᓯᐊᓂᖅ ᐃᓅᖃᑎᒥᓄᑦ ᐊᕙᑎᒥᓄᓪᓗ.
ᐊᑐᐃᓐᓇᐅᔪᖅ ᖃᓪᓗᓈᑎᑐᑦ ᒍᐃᒍᐃᑎᑐᓪᓗ, ᓀᑦᑑᓱᓂ ᐃᑳᕐᑐᐃᑦ ᐊᑦᔨᓕᐅᕐᑕᐅᓂᕆᓯᒪᔭᖓ ᓄᐃᑎᑕᐅᓯᒪᔪᑦ 34-ᒋᔭᐅᔪᒥ ᓄᓇᕐᔪᐊᒥᐅᑦ ᓄᓇᖃᕐᖄᓯᒪᔪᑦ ᓇᓪᓕᐅᓂᕐᓯᐅᑎᑦᓯᓂᖓᓐᓂ.
