ᓄᕐᕃᑦ
ᐱᓇᓱᐊᕈᓯᑕᒫᑦ ᐃᓕᓐᓂᐊᓇᕇᕐᑎᓗᒍ ᐱᓇᓱᐊᕐᓂᖅ
ᐳᕐᑐᓂᕐᓴᒦᑦᑐᑦ - ᐃᓕᓐᓂᐊᑎᑦᓱᒋᑦ
ᐳᕐᑐᓂᕐᓴᒥ ᐃᓕᓐᓂᐊᑏᑦ ᐅᑭᐅᓖᑦ 12-ᓂᒃ 18-ᓄᑦ
ᐳᒃᑭᓂᕐᓴᒦᑦᑐᑦ - ᐱᒋᐊᕐᑎᓱᒋᑦ
ᐃᓅᓱᑦᑐᑦ ᐅᑭᐅᓖᑦ 10-ᓂᒃ 12-ᓄᑦ, ᐳᒃᑭᓂᕐᓴᒥ ᐃᓕᓐᓂᐊᕕᒻᒦᑐᐃᑦ
ᐱᓇᓱᐊᕈᓯᑕᒫᑦ ᐃᓕᓐᓂᐊᓇᕇᕐᑎᓗᒍ ᐱᓇᓱᐊᕐᑎᓯᓂᖅ 10-ᓂ ᑕᕐᕿᓂ ᓱᖃᑦᓯᑎᑦᓯᒍᑎᐅᑦᓱᓂ ᑫᓪᓗᑐᐃᒍᑎᐅᑦᓱᓂᓗ ᐃᓅᓯᕐᒥ ᖃᓄᐃᖕᖏᓯᐊᕈᑎᑦᓴᔭᓂᒃ ᓇᒻᒥᓂᕐᓗ ᑐᑭᓯᒪᒍᑎᐅᒍᓐᓇᑐᓂᒃ. ᐱᓇᓱᐊᕈᑕᐅᓂᕐᐹᐅᓲᖅ ᓯᐊᕐᕆᔭᐅᑎᑯᑖᒃᑯᑦ ᓄᓇᒃᑰᓂᖅ, ᐊᒥᓱᓂᒃ ᐅᓪᓗᓂᒃ ᓄᓇᒥᓐᓂᐅᒍᓐᓇᓱᓂ.
ᐱᓇᓱᐊᒃᑎᓯᓂᖅ ᑐᕌᒐᓕᒃ ᓲᖑᓭᓂᕐᒥᒃ ᐃᓚᒋᔭᐅᓂᑦᓯᐊᒥᓪᓗ ᓴᕐᕿᔭᕐᑎᓯᒍᑎᐅᑦᓱᓂ.
ᑖᑦᓱᒧᖓ ᐃᓚᐅᔪᐃᑦ ᐊᑕᐅᓯᐊᕐᓱᑎᒃ ᐱᓇᓱᐊᕈᓯᕐᒥ ᐅᑯᓂᖓ ᓱᖃᑦᓯᒍᑎᖃᕐᐸᑐᑦ :
- ᐃᙯᓕᓴᕐᓂᖅ ᓯᓚᒥ ᐅᕝᕙᓗᓐᓃ, ᓯᓚᕐᓂᓗᑕᐊᕐᒪᑦ ᐃᓪᓗᒥ.
- ᓯᕗᓕᕆᐅᕐᓴᓂᕐᒧᑦ ᐱᓇᓱᐊᖃᑎᖃᕐᓂᒧᓪᓗ ᑲᑎᒪᓂᐊᕈᓰᑦ.
- ᑲᑎᒪᓂᐊᕈᓯᖅ ᑐᕌᒐᓕᒃ ᖃᓄᐃᖕᖏᓯᐊᕐᓂᒥᒃ ᐃᑉᐱᓂᐊᕆᔭᓂᓪᓗ ᐊᐅᓚᑦᓯᒍᓐᓇᓂᕐᒧᑦ.
- ᑲᑎᒪᓂᐊᕈᓯᖅ ᐃᓄᐃᑦ ᖃᐅᔨᒪᒍᓯᖏᓐᓅᓕᖓᔪᖅ, ᓄᓇᓕᒻᒥᐅᖅ ᐃᓕᓐᐊᑎᑦᓯᑎᓪᓗᒍ.
- ᖃᑎᒪᓂᐊᕈᓯᖅ ᓂᕿᑦᓯᐊᑑᒪᒋᐊᖃᕐᓂᒧᑦ ᐃᒐᒋᐅᕐᓴᓂᕐᑕᖃᕐᓱᓂ.
ᐃᓕᓐᓂᐊᓇᐅᑉ ᐊᕐᕋᒍᓕᒫᖓᓂ, ᐳᕐᑐᓂᕐᓴᒦᑦᑐᑦ ᐃᓚᐅᓲᑦ ᒪᕐᕈᕕᑦᓱᑎᒃ ᒪᙯᑦᑎᑕᐅᑦᓱᑎᒃ ᓄᓇᓕᒻᒥ ᖃᓂᑕᖓᓂ, ᑕᓪᓕᒪᓂᓪᓗ ᐅᓪᓗᑐᕐᑐᒥᒃ ᓯᐊᕆᔭᐅᑎᑯᑖᒃᑯᑦ ᓄᓇᒦᑦᑎᑕᐅᑦᓱᓂ ᓄᓇᕕᒻᒥ.
ᖃᐅᔨᒐᓱᐊᕐᕕᖃᕈᓐᓇᓯᐊᕐᑐᓯ ᐅᕙᑦᑎᓂᒃ ᑐᑭᓯᒋᐊᓪᓚᕈᒪᒍᑦᓯ ᐱᓇᓱᐊᕐᑕᑎᓐᓂᒃ!
ᐊᖓᔪᕐᖃᐅᔪᓅᓕᖓᔪᖅ ᐅᖃᐅᓯᖅ!
ᕿᑐᕐᖓᓯ ᐱᒍᓐᓇᓯᒍᓐᓇᓯᐊᕐᑐᑦ ᐊᒥᓱᓂᒃ ᐱᔪᕆᐅᑎᖃᕐᐳᒍᓪᓗ ᑕᑯᓐᓇᕆᐊᖅ ᐱᕈᕐᐸᓕᐊᓂᖓᓐᓂᒃ. ᓱᖃᑦᓯᑎᑦᓯᒍᑎᓕᒫᑦ ᓄᕐᕃᑯᑎᒍᑦ ᐸᕐᓇᑕᐅᓯᒪᑦᓯᐊᓲᑦ, ᐊᑦᑕᓇᕐᑐᒨᕐᑌᓕᒋᐊᖃᕐᓂᖓ ᐃᓅᓱᑦᑐᐃᑦ ᓯᕗᓪᓕᐸᐅᑎᑕᐅᑎᓪᓗᒍ. ᓄᓇᒦᑦᑎᓯᓂᖃᓚᐅᕋᑕ, ᓄᓇᓕᒻᒥ ᐱᓇᓱᐊᕐᑎᕗᑦ ᐊᑐᐃᓐᓇᐅᑎᑦᓯᓲᑦ ᐊᓪᓚᓯᒪᔪᓂᒃ ᑐᑭᓯᓇᕐᑎᓯᔪᓂᒃ ᖃᓄᐃᓕᖓᓂᐅᓂᐊᕐᑐᓂᒃ ᑐᑭᓯᓇᕐᑎᑕᐅᒍᑎᖏᓐᓂᓗ ᓄᓇᒦᓐᓂᐅᓚᖓᔫᑉ. ᐊᐱᕆᐅᑎᑦᓴᖃᕈᑦᓯ, ᑐᓴᕆᐊᕐᕕᖃᕈᓐᓇᓯᐊᕐᑐᓯ ᐅᕗᖓ info@nurrait.org.
